Уст кийим ҳақида
17:36 / 21.09.2021 | Baxriddin Samarov | 847
Ассалом алайкум! Менинг ёшим 18 да, номоз ўқишни яқинда бошладим. Ҳали жуда кўп нарсаларни бимайман, ИншаАллоҳ ўрганишга ҳаракат қиляпман, Номоз ўқиётган вақтимда қулай бўлиши учун треко кияман, саволим шуки унда компаниянинг номи ва белгиси бор “Ли-нин” номли аммо бошқа тасвирли белгилар йўқ. Ушбу ёзувнинг ибодатимга ҳеч қандай таъсири йўқми? Яна бир савол, ҳар бир ракат номозда Фотиҳадан олдин Бисмиллаҳни айтиб бошлайман, шу тўғрими ёки айтмай бирдан Фотиҳадан бошлайми?
«Зикр аҳлидан сўранг» ҳайъати:
– Ва алайкум ассалом! Фахш сўз ёки ислом ақийдасига зид гап бўлмаса намозга зарари йўқ. Мабодо шундай ёзувли кийим бўлса кийимни ташлаб юбормасдан ўша ёзувини сўкиб йўқ қилиб юборилса бўлди. Фотиҳадан олдин басмала айтишингиз тўғри. Валлоҳу аълам!
