Ота онадан беркитиб намоз ўқиш ҳақида
Ассалому алайкум! Мен тиббиёт унверсетитида ўқийман ҳозирда ёшим 22 да шу пайтгача намоз ўқиганим йўқ, Намоз ўқий десам отам қаршилик қиладилар, отам ўзлари Рассияда ишлайдилар, менга ҳар доим ҳозирча намоз ўқимай тур, уйланиб бўла чақали бўлсанг ўқийверасан дейдилар. Лекин Аллоҳ ҳаққи ҳурмати бенамозликдан қўрқаман, чунки мен жаннатга киришни хохлайман, аммо отамни норизо қилиб уларнинг сўзларидан қарши иш қилишни хохламиман. Илтимос менга тоғри маслаҳат беринглар! Бундай вазиятда нима қилишим керак. Ҳар дойим ўзимга битта савол бераман: --- Қиёмат куни савол жавоб вақтида, Аллоҳ таоло Отангни сўзларини мени буюрганимдан устун билдингми деса нима дейман деб ўйланаман.? --- Отам ўзлари яхши одам, фақат бўлларим ҳар қандай оқимларга кириб кетмасин деб қўрқадилар.
– Ва алайкум ассалом! Аллоҳнинг фарзида бандасидан рухсат сўралмайди. Аллоҳ ота-онангизни ғазабидан қутқара олади, аммо улар Аллоҳнинг ғазабидан қутқара олишолмайди. Сиз айтиб ҳам кўрсатиб ҳам сўраб ҳам ва улар билан тортишиб ҳам ўтирмасдан Аллоҳга итоат қилинг.
عَنِ الْحَسَنِ قَالَ: قَالَ رَسُولُ اللهِ صَلَي الله عَلَيْهِ وَسَلَّم: لَا طَاعَةَ لِمْخْلُوقٍ فِي مَعْصِيَةِ الْخَالِقِ. رَوَاهُ ابْنُ أَبِي شَيْبَةَ. (متفق عليه)
Ҳасандан ривоят қилинади:
“Расулуллоҳ соллаллоҳу алайҳи васаллам: “Холиқнинг маъсиятида махлуққа итоат йўқ» – дедилар”.
Ибн Абу Шайба ривоят қилган. (Муттафақун алайҳ)
Яъни, бандани рози қиламан деб, Аллоҳ таолони норози қиладиган нарсани қилиб бўлмайди. Валлоҳу аълам!
