Эр-хотин бирга намоз ўқиши
18:17 / 05.03.2019 | Хадийятуллох | 6275
Ассалому алайкум! Уйга кирсам уйнинг тўрида аёлим намоз ўқиётган экан. Бошқа жой йўқ бўлса орқароқда мен ҳам алоҳида ўқисам бўладими?
«Зикр аҳлидан сўранг» ҳайъати:
- Ва алайкум ассалом! Бўлади. Фақат бир вақт намознинг фарзи иккисида ҳам адо бўлаётган суратда, яъни масалан, эр ҳам, аёл ҳам ўша кунги пешин намозининг фарзини ўқиётган бўлса, эркак ва аёл битта сафда туриши ёки сажда ва рукуъ қилганда эрнинг бир аъзоси аёлнинг бир аъзоси баробарига келадиган ҳолатда иқтидо қилиб ўқиши жоиз эмас. Бошқа барчаси жоиз. Валлоҳу аълам!
