Ақийқа

Ҳурматли Саволим бир яқинимнинг номидан. Унинг 2 фарзанди бор, бири 7, бири 4 яшар. Шу пайтгача имкони бўлмай, уларга қўй сўйиб ақийқа қилмаган. Лекин, бундан икки йилча аввал ақийқани ният қилиб қўйга пул йиғиб юрди. Хафта охирида қўй олиши керак эди. Нимадир бўлиб, хафта ўрталарида қайнонасиникига бориб, уларнинг музлатгичи бузилган, ёз ойлари бўлгани учун овқатлари ачиб қолаётгани, гўштлари ва кўпгина маҳсулотлари айниб қолаётганини кўрди. Қайнотаси оламдан ўтган, шароитлари эса оғир эди. Қўй учун йиққан пулини олиб, бўлиб бўлиб тўланадиган дўкондан музлатгич олиб, қолган пулини ҳам амаллаб ўзи тўлаб берди. Ҳозирда яна қўй учун ортиқча пул жамғара олмаяпти. Айтингчи, ўша пайтда қўй учун йиққан пулини ўша ишга ишлатгани ақийқага ўтадими ёки қанақа қилиб бўлса ҳам қўй олиб, сўйиши керакми?