Намозда бошни қимирлатиш
20:10 / 23.11.2021 | Ҳамза | 983
Ассалому алайкум! Ишхонамиздаги бир киши намоз ўқиганда доим бошини пастга ва баландга қимирлатиб туради. Буни намозга зарари йўқми?
«Зикр аҳлидан сўранг» ҳайъати:
– Ва алайкум ассалом! Ҳадисда қуйидагича келади:
عَنْ عَائِشَةَ قَالَتْ : سَأَلْتُ رَسُولَ اللهِ عَنِ الْاِلْتِفَاتِ فِي الصَّلَاةِ، فَقَالَ: هُوَ اخْتِلَاسٌ يَخْتَلِسُهُ الشَّيْطَانُ مِنْ صَلَاةِ الْعَبْدِ
Оиша розияллоҳу анҳодан ривоят қилинади:
«Расулуллоҳ соллаллоҳу алайҳи васалламдан намозда у ёқ-бу ёққа аланглаш ҳақида сўрадим. «У – шайтон банданинг намозидан уриб қолишидир», дедилар».
Намозда киши узрсиз бошини уёқ-буёққа қаратса намозининг ажри камаяди. Валлоҳу аълам!
