Фарзанд асраб олса бўладими?
Муҳтарам шайх жаноблари! Мен бермоқчи бўлган саволга бошқа манбалардан аниқ жавоб тополмаганим учун сизга мурожаат қиляпман. Саволим фарзанд асраб олиш ҳақида. Бу масала хусусида шариат ҳукми қандай? Бефарзанд одам фарзанд асраб олиши мумкинми? Агар мумкин бўлса болани қандай шартларда асраб олинади? Фарзанд асраб олган ота-онанинг шу фарзанди устидаги ҳақлари қандай бўлади? Ва фарзанднинг ота-она устидаги ҳақлари? Динимизда бу маънога оид бошқа ҳукмлар бўлса уларни ҳам билдирсангиз... Вассаламу алайкум ва роҳматуллоҳ!
Ассалому алайкум! Бу саволга биз кўп жавоб берганмиз. Ушбу саҳифадан излаб топиб ўқиб олсангиз бўларди. Бола сақлаб олишнинг асосий шарти, бола меники демасликдир. Боланинг боқиб олинганини очиқ айтиш керак. Бола балоғатга етганда, унга шариат кўрсатганича муносабатга ўтилади. Яъни, бола номаҳрам бўлади. У меросхўр бўла олмайди. Етим болаларни боқиб катта қилиш ўта савобли иш.
