Халоллик
15:20 / 13.01.2022 | Najmiddin | 909
Ассалому алайкум! Мен пул ўғирлик қилар эдим, худога шукур хозир товба қиганман. Лекин ўша пайтда ўғирланган пулга сумка сотиб олган эдим. Тавба қилганимдан кегин шу сумкага овқат солиб ишхонага обориб тушликда овқат ейман. Лекин кўнглим хижил бўлиб бошқа сумкада овқат солиб бормаяпман. Энди саволим шуки шу сумкага овқат солиб обориб еган таомим харом бўлдими, яъни луқмам харом бўлдими?
«Зикр аҳлидан сўранг» ҳайъати:
– Ва алайкум ассалом! Аллоҳга қайтганингиз, қилган тавбангиз муборак бўлсин. Қилинган маъсиятга надомат чекиш ва унга қайта қўл урмасликка аҳд қилиб айтилган тавба инша Аллоҳ мақбулдир. Қолган ҳаётингизни Аллоҳнинг розилигини топиш устига қуринг. Пул эгаларига ўғирлаган пулингизни қайси йўл билан бўлса ҳам қайтаринг. Валлоҳу аълам!
