Тақво ва иймон
Ассалому алайкум! Алҳамдулиллаҳ тажвиддан хабарим бор. Ўрганганман. Оилада фақат ўзим тажвидни билганлигим сабабли мени имомликка ўтқазишга ҳаракат қилишади. Менда эса бир муаммо бор: гуноҳларим ва гуноҳ қилиб қўйишим эҳтимоли борлиги. Уйланмаганман. Балки бу ҳам чалғишларга сабаб бўлаётгандир. Имомликка ўтишга иккиланяпман. Тажвидданмас, гуноҳ қилиб яна имомлик қилишга ўтишим қай даражада тўғри бўлади. Бошқа ҳеч кимнинг тажвиддан хабари йўқ Тавба қиламан. Бу гуноҳларни қилмаслик кераклигини ҳам биламан. Аммо нафс ва ёки шайтон йўлдан уради. Маслаҳат беринг, насиҳат қилинг. Қалбим, виждоним қийналяпти.
– Ва алайкум ассалом! Гуноҳ ишларни тарк қилинг. Ҳақиқий тавба қилиб истиғфорни кўпайтиринг. Гоҳида шу каби ҳолат кучли туртки бўлиб, инсон гуноҳлардан тийилишга қувват топиши мумкин. Уйланишга ҳаракат қилинг. Имомликка ўтсангиз жоиз. Валлоҳу аълам!
