Аллоҳнинг сифатлари

Муҳтарам устоз, соғ-саломат юрибсизми? Сиз муҳтарамга саволларим бор: "Жомиъ ул мутун" китобида шундай дейилади: "Баъзи каломчиларнинг фикрича, Аллоҳнинг бошқа зотий сифатлари ҳам бор, улар қуйидагилардир: . . . 10. Жанб (ён, томон). Бу хусусдаги ояти жалила бундай: "Аллоҳ ёнида қилган айбларим учун во ҳасрато! Ҳақийқатан мен масхара қилгувчилардан бўлган эдим! . . . (деб надомат чекиб қоладиган Кундан сақланинглар! . . . " (Зумар, 56) 11. Қадам (оёқ): бир ҳадиси шарифда бундай ворид бўлган: "Токи Аллоҳ оёғини қўйгунича Дўзах: "Яна борми? -дейди". . . . 16. Кафф: Меърож ҳақидаги бир ҳадиси шарифда Пайғамбар алайҳиссалом бундай деб марҳамат қилганлар: "Меърож кечасида Аллоҳ таоло каффини икки елкамнинг ўртасига қўйди. Салқинлигини қалбимда ҳис этдим". Баъзиларнинг фикрича, бу ўриндаги "кафф" сифатдир, "кафт" дегани эмас. Иқтибос тугади. Устоз, мен ўқиган ақоид китобларида Аллоҳнинг юқорида ўтган сифатлари ҳақида ҳеч нарса дейилмаган. Юқоридаги Аллоҳнинг сифатлари ҳақида муҳаққиқ уламоларимиз нима дейишган?