гуноҳга шериклик

Турмушим бузилганлиги учун ишлашга мажбурман. Аммо турли тоифадаги одамлардан иборат жамият ичида хар хил вазиятлар содир бўларканки, билиб билмай, баъзан мажбуран гуноҳ ишларга қўл уриб қўяркансан киши. Мени имтихонга раис қилиб қўйишди. Хайъат аъзоларим синовни ҳаққоний ўтказганига 90% имоним комил, мен баҳоларнинг қоралама нусхасини ўзимда олиб қолдим. 2, 3 кундан кейин қайд варақасининг асл нусхасига қўл қўйиш учун бордим. Мендаги баҳолар билан қайд варақасидаги баҳоларда ўзгариш юз берганлигининг гувоҳи бўлдим. Суриштирсам юқоридагиларнинг амри ила ўзгартириш киритилган экан. Гап шундаки, юқоридагилар билан талашиб, тортишишдан фойда йўқ, акс ҳолда ишдан кетишим керак. Саволим, агар ўзгартирилган қайд варақасига қўл қўйсам гуноҳкор бўламанми?