Закот
10:54 / 29.04.2022 | Sherzod | 676
Ассалому алайкум! Ойлик маошим 1 йилга 44160000 сум оламан. 2 та фарзандим бор. Катта ўғлим ойига 750000 сўмдан пуллик мактабда ўқийди. Мен закот бераманми?
«Зикр аҳлидан сўранг» ҳайъати:
– Ва алайкум ассалом! Қўлингиздаги пулингиз миқдори нисобга етса (ҳозирда 34 млн сўм деб белгиланган) ўша кундан бошлаб пул бир йил сақланиб турса унинг закотини бериш вожиб бўлади. Агар сизда бир вақтнинг ўзида нисоб миқдоридаги пул сақланиб турмаган бўлса, ёки уй-жой, уйда ишлатиладиган зарурий анжомлар, иш қуроллари ва уловингиздан бошқа қиймати нисоб миқдорига тенг келадиган тижорат учун олинган товарлар, 85гр тилла, чорва ҳайвонлари каби нарсалар бўлмаса закот вожиб эмас. Валлоҳу аълам!
