Жиянига закот бериш
01:25 / 01.05.2022 | Камолиддин Ганиев | 670
Ассалому алайкум! Мен укам билан бирга иш қиламиз. Умумий маблағимизни бўлганимизда иккаламизнинг пулимиз хам нисобга етади. Укам закотини менинг ўғлимнинг ўқиш контрактига берса бўладими?
«Зикр аҳлидан сўранг» ҳайъати:
– Ва алайкум ассалом! Ўғлингиз вояга етган бўлса ва унинг нисоб миқдоридаги пули ёки ҳожатидан ортиқча нисобга тенг келадиган миқдордаги мол-мулки бўлмаса, унга закот бериш жоиз. Лекин афзали закотни фақир-мискинлар, боқувчисини йўқотганлар, мушкул ҳолга тушиб қолган ҳақдорларга сарфлашдир. Ўғлингизнинг шартнома пулини ўзингиз тўласангиз ҳам бўлади. Валлоҳу аълам!
