Тугун оши ва шунга ўхшаш амаллар
16:12 / 04.06.2022 | Mutalova Muqaddas | 887
Ассалому алайкум! Хали хануз баъзи инсонлар тугун оши, қандайдир нарсаларга атаб баъзи кундари махсус таомлар тайёрлаб қўшниларига тарқатишади. Аллоҳга шукур бизнинг оилада бундай ишлар қилинмайди. Аммо баъзи қўшнидаримизда бундай одатлар хали хам бор. Саволим шуки, агар қўшниларимиздан бири "Тугун оши" деб таом олиб чиқса бу таомни истеъмол қилса бўладими?
«Зикр аҳлидан сўранг» ҳайъати:
– Ва алайкум ассалом! Динимизда тугун оши деган амал йўқ. Ризқнинг кенгайишига бу каби таомларнинг алоқаси ҳам йўқ. Бундай одатларни тўхтатиш керак. Тайёрлаб бўлган бўлса, ундан ейишни зарари йўқ. Валлоҳу аълам!
