Ғайридиндан валадизино
Ассалому алайкум! Бир дўстим ғайридин аёл билан зино қилиб фарзанд кўрган. Дўстим тавба қилган энди зинога яқинлашмаяпди. Ғайридин аёлни никохига оламан деса у аёл кўнмапди исломга киришни истамаган. Лекин у аёл бола сизи сўраяпди деб дўстимни ўз уйига чақириб туради. Бола хам отасини танийди. Хозирда дўстим фарзанд меники деб таъминотини қўлдан келганча қилиб турибди. У тез-тез ғайридин аёлни уйига бориб боладан хабар олиб келади. Саволим шуки: дўстим шу аёлни уйига фарзандни таъминотини қилиш учун тез-тез бориш жойизми?
– Ва алайкум ассалом! Жоиз эмас. Валади зино зинокор отасига нисбат берилмайди. У ўша валади зинони болам деб даъво қила олмайди. Бола онасига нисбат берилади. Нафақаси ҳам онанинг зиммасида. Зинокор зинодан орттирган боласини кўришга ҳақли эмас. Валлоҳу аълам!
