Судхўрлик эмасми?
Ассалому алайкум! Ман бир неча йил аввал бир танишимга бўлиб тўлаша шарти билан жиҳоз олиб берганман. Савдони долларда қилганмиз ва манга у долларда тўлаб бериши керак. Тўлов вақти келганда у манга доллар эвазига сўм ташлаб кетти. Ман у берган сўмга доллар сотиб олганимда курс фарқи ҳисобига манда сўм ортиб қолди. Ўша ортиқча сўмни олиш ман учун ножоиз бўлиб, унга қайтариб беришим керакми?
– Ва алайкум ассалом! Ўша сўмни нима мақсадда берганига боғлиқ. Агар “шу сўм ўша мен беришим керак бўлган доллар ўрнига” деб ташлаб кетган бўлса, ўша “ортиқчаси” ҳам сизники. Агар “бу сўмни долларга алмаштиринг ва ўша долларни қарзимдан айириб ташланг” деб сизни валюта айирбошлашга вакил қилиб кетган бўлса, ортиқчасини қайтариб беринг, у сизники эмас. Валлоҳу аълам!
