Тавба ва истиғфор орасидаги фарқ
22:36 / 28.06.2022 | Mustafo | 952
Ассалому алайкум! Шайх Ҳазратларининг Руҳий тарбия китобларининг 15-бетида шундай ёзилган. Банданинг Робби билан бўлган алоқасини ислоҳ қилиши қуйидаги маъно ва амалларда ўз аксини топади. 1. Тавба 2. Ҳамд, шукр ва ризо 3. Истиғфор 4. Эҳсон, яхшилик ва фазилат. Шу пайга қадар истиғфор ва тавбани бир амал деб ўйлар эдим. Бу иккисининг орасидаги фарқ нимада?
«Зикр аҳлидан сўранг» ҳайъати:
– Ва алайкум ассалом! Тавба бу қилиб қўйган гуноҳи учун надомат чекиш ва келажакда бунга қайта қўл урмасликка азму-қарор қилиш. Истиғфор эса ўтмишдаги хатолар учун афв ва кечирим сўрашдир. Валлоҳу аълам!
