Қаср намози
16:01 / 06.08.2022 | Dilfuza Muzafar qizi | 1783
Ассалому алайкум! Агар Қўқондан Тошкентга аниқ 15 кун сафар қилиш нияти билан борилса намоз 3 кун қаср қилиб қолган кунлари тўғри ўқилади дейишди шу тўғрими? Агар Қўқондан Фарғонага 1 кун ичида бориб келиш ният қилинган бўлса Фарғонада намоз қаср қилиб ўқиладими (масофа 92км)?
«Зикр аҳлидан сўранг» ҳайъати:
– Ва алайкум ассалом! 1). “Агар Кукондан Тошкентга аник 15 кун сафар килиш нияти билан борилса намоз 3 кун каср килиб колган кунлари тўғри укилади дейишди” бу нотўғри ҳукм. 15 кун ёки ундан кўпроқ муддат туриш нияти билан Тошкентга етиб борган заҳоти намозларни тўлиқ ўқийди.
2). Ушбу ҳолатда, Қўқондан чиқиши биланоқ то қайтиб келгунича намозларни қаср ўқийди. Валлоҳу аълам!
