Шерикчилик
11:55 / 27.08.2022 | MUSLIM | 821
Ассалому алайкум! Мен тижорат билан шуғуланаман. Бир танишим сизда 5000 бўса мен хам 5000 бераман ишигизга қўшилий деди. Фойда зарар ўртада бўлади деб келиштик, лекин у мен савдога чиқиб ишламиман ишизга аралашмиман деди мен рози бўлдим. Аммо мен ўзим хамма ишни юргазаман. Мол олиш, сотиш, хисоб китоб қилиш. Бизни келишувмиз тўғри бўлганми, шерикчилик бўлганми бу келишув, ёки музораба бўлиб қолганми? Шуни биломаяпман.
«Зикр аҳлидан сўранг» ҳайъати:
– Ва алайкум ассалом! «Фойда зарар ўртада бўлади» деб келишибсизлар. Бундан мақсад - фойданинг тенг ярми сизга иккинчи ярми унга берилиши бўлса жоиз. Зарар сармоянинг миқдорига кўра тақимланади. Яъни, умумий сармоянинг ярмини сиз ярмини у тиккан бўлса зарарни ҳам ҳудди шундай тенг иккига тақсимлайсизлар. Валлоҳу аълам!
