Жойнамоз билан таяммум қилиш
Ассалому алайкум. 1. Эшитишимча жойнамоз билан таяммум қилса бўлар экан. Шу қанчалик тўғри? 2. Менинг оёғим совуқда оғрийди. Шифокор ҳам бироз вақт таҳорат қилмай туришим кераклигини айтган. Аммо намозларим қолиб кетяпти. Совуқ тушганда оёқларим оғрийди. Таяммум орқали намоз ўқисам бўладими?
– Ва алайкум ассалом! 1). Агар унда чанг бўлса, ундан кўтарилган чангга таяммум қилиш мумкин.
Ер жинсидан бўлиб, ёнмайдиган, металл бўлмаган, эримайдиган нарсалар билан таяммум қилиш жоиз бўлади. Масалан, тупроқ, қум, тош ва уларнинг чанги. Киши ўзининг кийимларига ёпишган чангга, девордаги чангларга (гарчи бўялган, цемент билан шувалган бўлса ҳам), уларнинг чанги қўлга ёпишадиган даражада бўлса, таяммум қилса бўлаверади.
2). Сиз оёғингизни илиқ сувда ювинг ва дарҳол артиб қуритиб олинг. Шунда ҳеч қандай зарар етмайди. Сиз таяммум қилишингиз дуруст эмас. Валлоҳу аълам!
