"Имом Ҳасан ва Имом Ҳусайн. . . ", деган эдим
17:53 / 09.05.2013 | alouddin Hofiy | 2845
муҳтарам Устоз!
Бир одам мендан:
"Мен давралардан бирида: "Имом Ҳасан ва Имом Ҳусайн. . . ", деган эдим шу даврада ўтирган аҳли илмлардан бири: "Ҳасан ва Ҳусанларнинг имом бўлганликларини қаерда ўқигансиз? Ёки Сиз шийъаларданмисиз? Уларни Ҳазрати Ҳасан ва Ҳазрати Ҳусайн деб айтинг", деб дашном берди. Унинг бу гапи қанчалик тўғри? " деб сўради. Мен унга нима деб жавоб беришим керак эди?
Аллоҳ таоло Сизга офият берсин ва афв этсин!
Шайх Муҳаммад Содиқ Муҳаммад Юсуф роҳимаҳуллоҳ:
Мазкур одам илмсиз бўлса ҳам ўзини илмли қилиб кўрсатишга уринадиган киши экан. У имом дегандан масжидга имом бўлишни, намозга ўтишни тушунар экан. Имом сўзи пешво, олдиндаги киши деган маъноларини беради. Мусулмон уммати доимо мазкур икки буюк зотларни имом деб келишган ва яна дейишади.
