Исроф қилмаслик учун

Сизни яна безовта қилаяпман. Аввал саволни беришда бироз ноаниқлик қилган эканман. Аввалги саволимдан эслатма. Савол: Биз меҳмонхонада ишлаймиз. Асосий мижозларимиз Ғарб мамлакати фуқаролари, яъни мусулмон эмас. Уларга нонушта хизматини жорий этганмиз. Кўпинча улар нонуштанинг баъзи қисмини қолдиради. Масалан, ноннинг ярмини ейди ва қолгани қолади, ёки турли егуликларнинг бир қисмини тановул қилади, қолганини қолдириб кетади. Биз шу вақтгача қолган қисмини “менимча уларда ҳалоллик йўқ” деб ўйлаб емай келганмиз. Чунки, нонуштадан аввал юз-қўлларини ҳам ювмайдиганлари бор. Шу сабабдан ташлаб юборишга мажбур бўлмоқдамиз. Бизнинг бу ташлаб юборишимиз исроф эмасми? Ўша қолган нарсаларни бошқа меҳмонларга бериш жоизми? Ёки ҳайвонларга берган афзалми? Меҳмонхона оиламизга қарашли ҳисобланади. Сиз жавобда "Меҳмонхона эгалари билан маслаҳатлашиш керак" дебсиз. Барча хизматларни ўзимиз амалга оширамиз. Илтимос маслаҳат берсангиз, меҳмонлардан қолган егуликларни ташлаб юборсак исроф бўлмайдими? Ҳурматли ҳазрат, илтимос мана шу масалада дийнимиз қандай йўл тутишни маъқуллайди?