Узрли аёлнинг Қурон ўқиши
14:11 / 06.01.2023 | Камолиддин | 1271
Ассалому алайкум! Аёлларнинг ҳайзли пайтидаги қурон ўқиши ҳақида берилган 4251-саволга берилган жавобни изоҳлаб берсангиз, иложи бўлса. Яъни жавобдаги "ҳарф-ҳарф қилиб" деган жумлада нима назарда тутилган? Ўша жавобни илова қиламан: "- Имом Термизий, Ибн Можа ва бошқалар Ибн Умар розияллоҳу анҳудан ривоят қилган ҳадисда Пайғамбар соллаллоҳу алайҳи васаллам: «Ҳайзли аёл ҳам, жунуб ҳам Қуръондан ҳеч нарсани қироат қилмайди», деганлар. Аммо ҳайзли аёл таълим учун ҳарф-ҳарф қилиб ўқиса жоизлигига уламолар рухсат берганлар."
«Зикр аҳлидан сўранг» ҳайъати:
– Ва алайкум ассалом! Ҳарфларни бир-биридан узиб ўқиш назарда тутилган. Бунинг қандай бўлишини аниқроқ билиш учун устоздан жонли ўрганиб олинг. Валлоҳу аълам!
