Мийқот
23:18 / 09.12.2022 | Абусаид | 1245
Ассалому алайкум! Умрага бормоқчи бўлган одам Мийқотда эхром боғлайди. Агар самолётда парвоз, Тошкентдан Жиддага амалга оширилса ва аввламбор Мадина зиёратига бориш ният қилинган бўлса, эхромга Мадина зиёратидан кейин кириш тўғри бўладими ёки аввалроқ самолётда (ёки аеропортда) кирган бўлиш керакми?
«Зикр аҳлидан сўранг» ҳайъати:
– Ва алайкум ассалом! Ватанидан Мадина шаҳрини ният қилган одам Жиддага тушиб тўғри Мадинага кетади. Ўша ердаги зиёрат ва ибодат амалларини қилганидан кейин умрани ният қилиб Мадинадан Маккага йўлга чиқади ва йўлдаги мийқот деб белгиланган жойда эҳромга киради. Валлоҳу аълам!
