Ҳуманс виса картаси

Ассалому алайкум, устозлар! Ҳозирда жуда оммабоп булиб бораётган ҲУМАНС компанияси аҳолига қуйидаги 3 турдаги ҳизматларни таклиф қилмоқда: 1. Алоқа ҳизматлари (сим карта), 2. Виза картаси ва 3. Онлайн банкинг иловаси (клик ва пайме га ўхшаш). Компания бу учала ҳизматлардан фойдаланганлик учун ҳар хил турдаги кешбек ларни таклиф қилади. Шу билан бирга, бу ҳизматлар бир-бирга боғланган булиб, бир ҳизматдан олинган кешбек ни ўзининг бошқа ҳизматига ишлатиш мумкин. Таклиф қилинаётган кешбек лардан биттаси бизда “рибога кириб қолмасмикан” деган шубҳа пайдо килди. Аввалги саволларда бу кешбек унчалик яхши ёритилмаганлиги учун, яна бир бор сизлардан сўрашга журъат қилдик. Компания ўзининг хар бир мижозига, уларнинг виза картасидаги кунлик қолдиғидан 35% (йиллик) ҳисобида " кешбек" ҳисоблайди. Бу " кешбек" ни мижоз нақд пул сифатида ечиб олиши мумкин бўлмайди, балки алоқа ҳизматларига сарфлаши мумкин бўлади. Шу билан бирга бу кешбек йиғиб борилса, йиғилган суммага телефон, телевизор ва бошқа маҳсулотларни Компаниядан олиши мумкин бўлади. Бундай кешбек нинг ҳисобланишини ўчириб қўйиш функсияси мавжуд эмас экан. "Компания ўзининг фойдасидан кечиб берса жоиз" деган жавобларни ҳам кўрдик, лекин, ҳозирги ҳолатда Компания баъзи мижозлардан фойда кўрмаслиги ҳам мумкин. Бундай ҳолатда, мижоз шунчаки виза картасида пул сақлаганлиги учунгина Компанидан телефон ва телевизор каби нарсаларни олиши мумкин бўлиб қолади. Мана шу ҳолат бизга рибога ўхшаб кўриняпти. Жавобингиз учун олдиндан рахмат.