Савдо сотиқда ишим юришмаяпти, нима қилай…
Ёшим 50 да. 25 йилдан ортиқ савдо сотиқ ишларим билан шуғулланаман. Шахсий дўконларим бор. Охирги икки йил давомида ишларим орқага кетган. Ҳозир катта қарздорман. Беш вақт намоз ўқийман. Қўлимдан келганича тақводор юришга ҳаракат қиламан. Хайр садақа қиламан. Қисқаси нима қилишга хайронман. Илтимос маслаҳат беринг.
- Ушбу ҳолатга тушишингизга сабаб бўлган нарсаларни яхшилаб ўйлаб кўринг. Эҳтимол, ҳаром аралаштиргандирсиз, рибо ёки ношукрлик содир бўлгандир. . . Одамнинг савдоси юриши учун фақат намознинг ўзи кифоя қилади деб ўйлаш хатодир. Агар айтиб ўтилганга ўхшаш ҳаром ва гуноҳ ишларни қилган бўлсангиз, тавба қилинг, ҳақ эгаларига ҳақларини қайтаринг. Ибодатларнинг барчасини ихлос билан адо қилинг. Ҳожат намози ўқинг. Қарзни узиш дуоларини ихлос билан ўқиб юринг. Буларнинг ҳаммаси бўлса туриб, шу ҳолатга тушган бўлсангиз, хурсанд бўлинг, Аллоҳ таоло сизни синаётган бўлади ва яхшилик келиши синовга боғлиқ бўлади.
