Хиёр масаласи
Ассалому алайкум! Масалан мен бир нарса сотиб олсам ва менга 3 кун хиёр десам, 3 кунгача хиёр берилади. Бу ҳолатда пул менинг мулкимдан чиқмайди лекин сотиб олган нарсам сотувчининг мулкидан чиқади. Бу ҳолатда Абу Ҳанийфанинг наздида сотиб олинган мулк менинг мулкимга кирмайди. Аммо Имом Абу Юсуф ва Муҳаммадларнинг наздида сотиб олинган мулк менинг мулкимга киради. Саволим шуки агар мен қул хотинимни сотиб олиб менга хиёр десам у ҳожасининг мулкидан чиқиб менинг мулкимга киради (Бу Имом Абу Юсуф ва Муҳаммадларнинг наздида). Ва бу ҳолатда никоҳ ақди фасод бўлади. Чунки у менинг мулкимга кирса мулку никоҳдан мулку ямийнга ўтади. Агар шу холатда мен 3 кунлик хиёримдан фойдаланиб уни хожасига қайтарсам никоҳ ақдини янгилашим зарурми?
– Ва алайкум ассалом! Зарур.
عندهما انفسخ النكاح لدخولها في ملك الزوج فإذا فسخ المشتري البيع رجعت إلى مولاها بلا نكاح عليها عندهما
Иккисининг (Абу Юсуф ва Муҳаммад) наздларида эрнинг мулкига киргани учун никоҳ фасх бўлади. Харидор (эр) савдони бузса чўри мавлосига никоҳсиз қайтади. (Роддул муҳтор. 7\125). Валлоҳу аълам!
