Умра амалида аёллар либоси
10:10 / 20.05.2023 | Umar | 595
Ассалому алайкум! Умра амалида аёллар либоси қандай бўлиши керак. Яъни унинг ранги, гулли ёки сидирға бўлишининг аҳамяти борми? Ёки одмироқ бўлса ҳам гулли аммо енги бўлса шунинг ўзи кифоями?
«Зикр аҳлидан сўранг» ҳайъати:
– Ва алайкум ассалом! Номаҳрамларни ўзига жалб қилмайдиган ва намозга ярайдиган пок кийим бўлса бўлди.
Аёл киши эҳромга кириш ниятида икки ракъат намоз ўқиб, салом бергандан кейин талбия айтади. Аёл эҳромдалигида тикилган кийим кийиши жоиздир. Шунингдек, тақинчоқ, қўлқоп ва пайпоқ киши ҳам мумкин. Аёл кишига бошини ёпиши вожиб ва талбия айтиши лозимдир. Лекин, баланд овозда айтиши ва рамал (тавоф вақтида лўккилаб югириб тавоф қилиши) қилиши жоиз эмасдир (Муаллимул ҳужжож). Валлоҳу аълам!
