Қуръоннинг ўқилишини лотинча ёзилганидан ёдлаш
13:43 / 11.04.2014 | Doniyorjon_musofir | 2863
Ассалому алайкум, ҳурматли Шайх Ҳазратлари! Устоз ва сизга кўмаклашаётган барча инсонларга каттакон раҳмат. Саволим шуки: Қуръоннинг бирма бир сураларини лотин ҳарифида ўқилишини ёзилганидан ёдласа бўладими? Чунки мен ҳали араб тилида тўлиқ ва тўғри ўқишни билмайман. Илтимос ёрдам беринг. Мен намозни ўқишни бошлаганимдан бери ўша ўзбек ёзувида ўқилишини кўрсатган ҳарфларда ёдлаб келаман. Араб тилини ўргангунимча Қуръонни аслини ўқиш насиб қиладими ёки йўқми Аллоҳ билади. Ноўрин савол берган бўлсам узр. Олдиндан каттакон раҳмат. Аллоҳ сиздан ва сизга ёрдам бераётган инсонлардан рози бўлсин.
Шайх Муҳаммад Содиқ Муҳаммад Юсуф роҳимаҳуллоҳ:
- Намозга кераклисини ўша ҳарфларда ёдлаб олиб, кейин Қуръони Каримнинг ўз ҳарфларини ва тажвидни ўрганишга ўтиш керак.
