Омонат ва етимнинг хаққи

Саволим шундаки, мен дугонам деб юрган аёлдан жуда хафаман. Сабаби мен билан бирга ишлар эди, мен бошқа ишга ўтадигон бўлдиму ўша аёлни номига ишончнома ёзиб бердим, вақти келиб ойлик пулимни у олди ва менга аёлдан пулимни олишимни хабар беришди. Мен у яшаётган жойга бордим ва сўрасам уни кўчиб кетди, дейишди. Менга айтишларича, мен боришимдан 3 соатча олдин кетган эмиш. Қизиқ жойи мен унга қачон боришимни огоҳлантиргандим, у эса кетган. Мени кўнглим оғриди, қийналиб пешона тери қилиб ишлаган пулимни менга берилиши керак бўлган омонатни у бермасдан кетворган, яна бу пул икки отасиз фарзандларнинг ҳаққи эди ахир. Ўзини ҳам отасиз катта қилаётган қизчаси борку ўйламади. Мен кўнглимда ўзимча айтдим, агар ўша омонат 3 кун ичида менга берилмаса, мен бу ҳаққимни, омонатимнинг ҳаққини қиёматга қолдираман, қиёматда сўрайман, деб қўйдим. Айтингчи, шу тўғрими ёки бирор маслаҳат берасизми, нима қилай энди? Мен ҳам уни қийналиб юришига қаршиман, у ҳам аёл.