Қўл остидаги ишчининг ҳаққини бермаслик учун баҳона
16:10 / 11.09.2014 | Ali.Abdulloh | 2624
Ассалому алайкум, ҳурматли Шайх Ҳазратлари! Мен бир дўстим билан бирга 11 йил ишладим. Ҳозирда у иш жойимдан насиба кесилган экан, у ердан бўшадим. Лекин дўстим ҳар хил баҳоналар қилиб, ҳаққимни бермаяпти. Дўстларимга орқамдан ёмонлаб юрганини сезиб юрибман. Бўшашим арафасида тўсатдан шерик бўлиб қолганимга жуда ҳайронман. Бошим қотиб қолди, йиллар давомида йиғилиб қолган маошимни бергиси келмаяпти. Маслаҳат беринг, нима қилишни билмаяпман. Йиғилган маошим қўлида бўлгани учун хоҳлаганча мен билан савдолашмоқда. Умидим Аллоҳдан, сизнинг маслаҳатингизга ҳам зормиз.
Шайх Муҳаммад Содиқ Муҳаммад Юсуф роҳимаҳуллоҳ:
Сиз барча чораларни ишга солиб ўз иш ҳақингизни олишга ҳаракат қилинг. Давлат идораларига мурожаат қилинг.
