Қарз ва омонат

Ассалому алайкум ва раҳматуллоҳи ва барокатуҳу шайх ҳазратлари. Илтимос саволимга жавоб берсангиз! Савол: Бир биродаримга оз-мунча қарз берган эдим, у менга қайтариб бераётган эди, мен унга "Пул сенда омонат турсин" деб бердим. У пулни паспортига солиб чунтагига тиқди. Намоз ўқигани масжидга кирдик. Масжиддан чиқсак, пул билан бирга курткасини ўғирлашибди. Аллоҳга ҳамдлар бўлсин, у намозни яқинда бошлаганига қарамай, Аллоҳнинг мадади ила синовга сабр билан туриб берди. Ҳозир мен пулга жуда муҳтожман, биродарим эса жуда бадавлат. Омонатни қайтараман деб турибди. Мен ўша омонатимни қайтариб олишга ҳаққим борми? (Аслида у мендан қарз сўрамаган эди, унга зарур бўлгани учун ўзим бердим.)