Яқин қариндошлар

Ассалому алайкум! Менинг бувим асли россиялик аёллар. Лекин Ўзбекистонга келин бўлиб келганлар. Неча йиллардан бери Россиялик қариндошларини кўрмаган, гаплашмаган эдилар. Шукрлар бўлсин ким, лекин ҳозирда бувим ижтимоий тармоқлар орқали улар билан ойижонимнинг телефонларида гаплашадилар. Лекин ойижоним эрталаб ишга кетиб, шомда келадилар. Шу сабабли мен ўзимнинг телефоним орқали уларни гаплаштирмоқчиман. Лекин бир савол мени ўйлантиради: Бувимнинг россиялик қариндошлари христианлар. Шу сабаблими улар маслинитса билан рождество билан табрикланган видеолар шу каби нарсалар ташлаб туришади. Мен агарда уларни қўйиб берсам гуноҳкор бўлиб қолмайманми? Чунки бувим куни билан кутиб, нима ташлабди кўрсат дейдилар. Қандай йўл тутишни билмаяпман. Қимматли вақтингизни олган бўлсам, узр.