Ипотека орқали уй сотиш
12:49 / 02.04.2014 | Abubakr | 6560
Ассаламу алайкум, Ҳурматли Шайх Ҳазратлари! Аллоҳ сиздан рози бўлсин. Ҳазрат излаш тугмаси орқали ипотекага уй сотишни топа олмадим. Ҳазрат 2 хонали уйимни сотишга қўйганман. Мен билан ишлайдиган бева аёл “Ижарага туришга қийналмоқдаман, ипотека орқали кредит олаяпман. Шунга кредит берувчи, “аввал уй топинг кейин берамиз” деб айтди. Агар рози бўлсангиз, мен сизни уйингизни ипотека кредити орқали олай, бошқа ишончили ва ипотека орқали сотувчи тополмадим” деб айтди. Унинг айтишича, банк кредит олувчининг пластик карточкасига пул ташлаб беради, олувчи пулни фоиз ҳисобига нақд қилиб менга сотувга қанча нақдга қўйган бўлсам шу пулни беради. Мен эса унга “рибодан сақланаман, имом домлалардан сўрай, сотсангиз бўлади деса сотаман, бўлмасам узр” деб айтдим. У “сизга нима фарқи бор, сиз сотишга қўйган суммангизни оласиз, хеч қанақа фоиз тўламайсизку” деб айтди. Мен ўз уйимни ипотека кедитига олинган пулга сотсам бўладими?
Шайх Муҳаммад Содиқ Муҳаммад Юсуф роҳимаҳуллоҳ:
- Рибо муомаласидаги одам билан олди-сотди қилган бўласиз. Бундай муомала икки мусулмон орасида бўлиши мумкин эмас.
