Намозда имомнинг махфий айтадиганлари
12:25 / 02.04.2014 | Ботирхўжа | 2755
Ассалому алайкум муҳтарам Шайх ҳазратлари! Азиз устоз! Сизга бир танишимнинг саволларини йўлламоқдаман. "Ҳадис ва ҳаёт"нинг 5-китоби (Намоз) 227-бети охирида имомнинг 4 нарсани махфий айтиши ривоят этилган. "Лиман ҳамидаҳ"ни ҳам махфий айтилиши бўйича қишлоғимиздаги намозхонлар ўртасида айрим мулоҳазалар бўлибди. Китобнинг давомида изоҳлар берилган бўлсада, яхши тушуна олишмабди. Сиздан илтимос, қимматли вақтингизни аямай, шуни тушунтириб берсангиз. Аллоҳ таоло тану-сиҳат хотиржамлигингизни зиёда айласин.
Шайх Муҳаммад Содиқ Муҳаммад Юсуф роҳимаҳуллоҳ:
- Ибн Абу Шайба Иброҳим ан-Нахаъийдан қилган ривоятда Абдуллоҳ ибн Масъуд розияллоҳу анҳу: «Имом тўрт нарсани: «аъузу биллаҳи», «бисмиллаҳ», «лиман ҳамида» ва «омин»ни махфий айтади», деганлар. Нимаси тушунарсиз бўлиши мумкин?
