Хўжайинимдан сўрамай пул ишлатсам

Ассалому алайкум! Хўжайиним қўллари қаттиқроқ тежамкор. Лекин пулни яхши топади. Ўзим ўқтувчиман яхши ойлик оламан аммо, ойлигимни ҳам ўзлари ишлатади. Ҳоҳлаганимча ишлатолмайман. Ота онам йўқ. Минг рахмат Акам мени қийналиб кантирактда ўқитган ва узатди ҳам. Мен бу яхшиликларига жавоб қайтаргим келади. Камига ҳозирги кунда қийналиб яшаяпти. Катта акам касаллик сабаб оламдан ўтди. Болалари ва аёли кичик акам билан яшайди. Хуллас мен уларга ёрдам бергим келади. Меҳмонга борганимда ҳам эрим ортиқча пул бермайди. Уйга ҳам ўзидан билиб нарса олиб келмайди. Садақа ҳам чиқаравермайди. Мен сўрамасдан пулидан ишлатсам бўладими? Егим келган нарсани есам ёки Акамга ўтиб кетган акамни болаларига жигарларимга оз бўлсада кийими оберсам бўладими? Бу ҳам садақаку. Сўрамасдан акамни қизига оёқ кийим обергандим байрамга. Шунга виждоним қийналяпти. Мен гуноҳ иш қилдимми?