Рибо
Ассалому алайкум! Қайнонамла одамларга буюмлар олиб берадила улар ойма ой бўлиб бўлб қайтаради яъни 1 млн нарса олса 4 ойда 1млн 4 юз қилиб қайтаради лекин 4 ойдан ўтиб кетса ҳам шу 1 млн 4 юзни оладила шу вазиятда рибо бўлиб қолмептими. Яна кўпинча одамлар пулни окитади шу нарсани олипман бериб турин диб. Тушунмаганим шунде қилсала бўладими ё ўша олган нарсасини ўзлари бориб ўз қўллари билан олиб беришлари керакми?
– Ва алайкум ассалом! Масала: Бир киши бошқа бировнинг олдига келиб, “Менга бир нексия сотиб олиб берсангиз” деса, пули бор киши бир нексияга етарли маблағни унинг қўлига бериб, “Бозорга ўзинг чиқиб 10.000га машина олиб, менга ўша машинанинг пулини бир йилда бўлиб-бўлиб 15.000 қилиб берасан” деса жоизми?
Бу сурат жоиз эмас. Жоиз бўлиши учун, аввал машина олмоқчи бўлган киши пул бергувчи тарафидан вакил бўлиб машинани сотиб олиши керак. Сўнг сотиб олган билан пул берганни орасида қайта иккинчи бор савдо қилиши керак. Аввалги суврат билан бу иккинчи сувратни фарқи шуки, пулни эгаси машинани ўзига олиб қолиши ёки бозордан сотиб олган вакилдан бошқасига сотиб юбориши ҳам мумкин. Валлоҳу аълам!
