Рўза дуруст бўладими?

Ассалому алайкум, ҳурматли Шайх Ҳазратлари! Ҳазрат биз сомса қиламиз. Гап шундаки, сомсани тандирда ёпиш, узиш ва ҳамирини маргаринда ёғлаш жараёнларида истасак истамасак димоғга ёқимли ҳид урилиб туради. Бундай ҳолатда рўзага футур етадими? Қандай йўл тутмоқни маслаҳат берасиз? Ёки орамизда рўза тутадиганларимиз юқоридаги жараёнларда иштирок этмай, сомса қилишнинг бошқа ишларини қилишимиз фарз (шарт)ми? Ҳадис ва ҳаётнинг рўза китобидан “ўз ихтиёри билан тутун ҳидласа ва хушбўй нарсани тутатиб ҳидласа, рўза очилади” деб ўқувдим. Бизнинг ҳолат ҳам шунга кирадими? Ташаккур!