Ота онага итоат даражаси.
Ассалому алайкум! Ота онага итоат қанчалик даражада бўлади, масалан фарзга қаршилик қилишса итоат қилинмайди. Лекин суннати муаккадагачи, суннати зоидагачи, мустаҳабгачи, улар булардан қайтаришса итоат қилинадими?
– Ва алайкум ассалом! Имкон борича ота-онанинг ва шариат буйруқларининг ўртасини мувофиқлаштириш, яъни иккисини ҳам бажаришга ҳаракат қилиш лозим. Иккиси бир-бирига зид келиб қолса шариат буюрган фарз ва вожиб амаллар устун қўйилади. Ундан бошқаларида эса ота-онанинг буйруғи устун қўйилади. Аммо суннат ва мустаҳабларни бажармасликка ота-онанинг хўрсинишини баҳона қилиб олмаслик керак. Аллоҳ таоло ҳақиқий узр туфайли амал қила олмаганлар билан амал қилмасликка баҳона изловчилар қалбини жуда яхши билади. Ўзимизни ўзимиз алдаб қўймайлик. Валлоҳу аълам!
