Комадаги инсон шаходат калимасини айтмаса
21:48 / 05.10.2023 | Шоира | 598
Ассалому алайкум! Яқинда 23 ёшли укам велосипедда йиқилиб қаттиқ травма олди. Мияда ички қон кетиш сабабли 2 марта бош мия оператциясини ўтказди. Оператциядан кейин комага тушиб қолди. Икки кундан кейин кейин минг афсуски вафот этди. Мени бир савол қийнаяпти. Укам комада вафот этди шаходат калимасини айтолмади. Энди охиратда нима бўлади? Жуда кўп қон йўқотди.
«Зикр аҳлидан сўранг» ҳайъати:
– Ва алайкум ассалом! Ҳаётлигида бир бора бўлса ҳам айтгани кифоя қилади. Муҳими мўмин ҳолда вафот этганидир. У учун дуода бўлинглар. Валлоҳу аълам!
