Техника сўйган ҳайвон гўшти

Ассалому алайкум, ҳурматли Шайх Ҳазратлари! Саволим олдин сўралган экан, лекин маълум бир техник сабабларга кўра сизнинг жавобингизнинг охири кўринмаяпти. Администраторга боғландим, аммо улар ҳам саволнинг жавобини билаолмаганликларини айтишди. Мен яшайдиган мамлакатда охирги пайтларда "HALAL" тамғаси остида гўшт маҳсулотлари катта-катта супермаркет, ресторан ва енгил таом сотадиган дўконларда пайдо бўлиб қолди. Ўша гўшт маҳсулотларини етказиб бераётган қушҳоналарнинг интернет саҳифаларига кириб текшириб кўрсам қушҳоналарнинг 60-75 фоизида ҳайвонларни техника сўяр экан. Қушҳоналар мусулмонман деган одамларга тегишли ва улар номлари номаълум бўлган қанақадир олимларни фатвосини рўкаж қилиб техника сўйган ҳайвонлар ҳалол дея ўз маҳсулотларини "HALAL" тамғаси билан сотувга чиқаришмоқда экан. Саволим шу гўшт маҳсулотлари биз мусулмонларга ҳалолми ёки ҳаром? Қимматли вақтингиз ва жавобингиз учун раҳмат.