Банк билан шахс ўртасидаги фарқ

"Кредит ёки муддатга қимматроқ сотиш" сарлавҳаси остида берилган саволимга "Ҳа, улар буюмнинг ўзини сотаётганлари учун. Буни насия савдоси дейилади. Агар банк ҳам машина олиб, устига фойда қўйиб, насияга сотганида тўғри бўлар эди." деб жавоб берган эдингиз. Бу жавобдан кўнглим тўлган эди. Лекин бир куни бир танишимга ўқиб берганимда, у билан бир оз фикр алмашгандан сўнг, "иккиси бир ишни қиляптику, банкда ҳам пул бор, шахсда ҳам, машина керак бўлган мижоз пули бор банкни олдига борди нимаю, пули бор шахсни олдига борди нима? Банк ҳам машина сотувчига пул тўлаб, мижозга олиб беряпти, шахс ҳам мижоз билан бозорга тушиб хохлаганини олиб беряпти, банк ҳам, шахс ҳам йилига устама хақ қўйиб беряпти" деган савол туғилди. Илтимос, шуни тушунишга бир оз ёрдам бериб юборсангиз. Аллоҳ сиздан рози бўлсин!