Қарз
Ассалому алайкум! Мени онам оламдан ўтганлар. Хозир отам хаётлар. Онам хаётликларида, укам бир неча маротаба онамдан қарз олган. Онам укамга, бу қарз, мани қайтариб берасан деганларида, укам хам, онамга бу қарзлигини ва албатта қайтаришини маълум қилиб пулни олган. Онам оламдан ўтганларидан кегин, укам қарзни бериш масаласида, отам олдиларига келиб пулни нима қилишни сўраганида, отам, она ва бола ўртасида қарз муомаласи бўлмиди, ота сифатида онамнинг қарзини отам кечдим деб айтдилар. Укам мандан хам сўраганида, ман нима дийишни билмадим. Айтингчи, укамни нима қилган иши тўғри бўлади?
– Ва алайкум ассалом! Инсоннинг ҳаётлик чоғида берган қарзлари унинг вафотидан сўнг меросхўрларникига айланади. Қарздор қарзни меросхорларга дарҳол қайтариши, улар эса шариат кўрсатмаларига кўра ўша маблағни бўлишиб олишлари шарт. Бошқа меросхўрлар мавжуд бўлса марҳумнинг эри ўзича қарзни кечиб юборишга ҳақли эмас. Валлоҳу аълам!
