Намоз ўқиш макруҳ бўладиган вақтлар

Ассалому алайкум, ҳурматли Шайх Ҳазратлари! Ҳамидуллоҳ Берунийнинг Жумъа куни қиём вақтидаги таҳийяти масжид намозининг ҳукми мавзуларида қуйидаги матнни ўқиб Аср намозини тўғри ўқиётганимга иккиланиб қолдим: Намоз ўқиш макруҳ бўладиган вақтлар орасида, асосан, учта вақт иттифоқан бир хил кўрсатилади. Ҳанафий мазҳабининг мўътабар матн китобларида бундай деб ёзилган: «Намоз (қандай намоз бўлишидан қатъий назар), саждаи тиловат ва жаноза намози қуёш чиқаётган, тиккага келаётган ва ботаётган пайтда жоиз бўлмайди» Мен ишдан қайтаётганда масжидда Аср намозини Шом намози ўқилишидан 15 дақиқа аввал ўқиб оламан (чунки бир саволга-жавобда Аср намозини ўқиш мумкин дейилган экан). Юқоридагилардан келиб чикиб, Аср намозини Шомдан аввал ўқиган яхшими ёки Шомдан сўнг ўқиган афзалми? Жавобингиз учун рахмат.