Овқат ерга тушса

– Ва алайкум ассалом! Қўлдан тушган ва дастурхонга тўкилган таом олиб ейилади. Қўлда ва идишларда қолган таом юқларининг исроф бўлишига ҳам йўл қўйилмайди. 

عَنْ أَنَسٍ أَنَّ رَسُولَ اللَّهِ صَلَّى اللَّهُ عَلَيْهِ وَسَلَّمَ كَانَ إِذَا أَكَلَ طَعَامًا لَعِقَ أَصَابِعَهُ الثَّلَاثَ قَالَ : وَقَالَ : إِذَا سَقَطَتْ لُقْمَةُ أَحَدِكُمْ فَلْيُمِطْ عَنْهَا الْأَذَى وَلْيَأْكُلْهَا وَلَا يَدَعْهَا لِلشَّيْطَانِ ، وَأَمَرَنَا أَنْ نَسْلُتَ الْقَصْعَةَ قَالَ : فَإِنَّكُمْ لَا تَدْرُونَ فِي أَيِّ طَعَامِكُمْ الْبَرَكَةُ 

Анас розияллоҳу анҳудан ривоят қилинади: 
“Расулуллоҳ соллаллоҳу алайҳи васаллам таомланганларида уччала бармоқларини ялаб қўяр ва : “Бирортангизнинг луқмаси тушиб кетса уни олсин, унга ёпишган нарсаларни кетказсин ва еб қўйсин. Шайтонга қолдирмасин” дер эдилар ва еган идишимизни салт қилиб қўйишга буюрар эдилар. Сўнг : Барака таомингизнинг қайси бирида эканини билмайсизлар” дер эдилар.
Муслим, Абу Довуд, Термизий ва Насаий ривоят қилганлар.
Идишни салт қилиш деб, идишда қолган таомни тозалаб еб қўйишга айтилади. Валлоҳу аълам!