Бировнинг ҳаққи
14:34 / 14.12.2015 | Siddiq0071 | 2249
Ассалому алайкум! Бир одам Исломга кирмасдан олдин одамларни қўрқитиб, зўравонлик қилиб пулларини олиб қўйган. Исломни яхши тушунганидан кейин, зулм ўтказиб олиб қўйган пулларини қайтармоқчи, кечирим сўрамоқчи бўлсаю, у инсонларни танимаса ёки топа олмаса. Бу ҳолатда қандай йўл тутиш мумкин? Ахир уларни кўриниши ва манзилларини эсидан чиқариб юборган. Олдиндан раҳмат, Аллоҳ рози бўлсин
«Зикр аҳлидан сўранг» ҳайъати:
Ва алайкум ассалом! Имкони борича топишга ҳаракат қилиши керак. Бу борада камчиликка йўл қўймасин. Изланишлардан кейин ҳам топа олмаса уларнинг номидан фақир-мискинларга садақа қилсин. Мабодо кейинчалик ҳам ҳақдорлар топилиб қолса, ҳаққини тўласин. Валлоҳу аълам.
