Ижара ҳақида

Ассалому алайкум! Шеригим билан чет давлатдан товарлар олиб келиб сотиш билан шуғулланамиз ва ўша олиб келган товарни менинг дўконимда сотамиз. Мен дўконимни шу ишимиз учун шеригимга ижарага берганман. Мисол учун бозорда худди мени дўконимдек дўконлар ижараси 1.000.000 сўм. Мен шу дўконимни шеригимга 800.000 сўмга ижарага берганман. Бу ижара пулини олиб келган товаримиздан қолган фойдасидан ишчиларга ойликлар ва бошқа чиқимлар билан бирга ҳисоблаб, 800.000 сўм ижара пулини ҳам чиқимга чиқариб, қолган фойдани бўлишамиз. Ва мен ҳар ой дўконимдан 800.000 сўм ижара пули оламан. Дўконимни шериклик пулга эмас, ўзимни маблағимга ижарага бериш ниятида сотиб олганман. Агар мени бу дўконим бўлмаганида олиб келаётган товарларимизни сотиш учун бегона одамдан ижарага бошқа дўкон олган бўлардик. Лекин биз ўзаро келишиб, мени дўконимни ижарага олганмиз. Дўконимни шу тарзда ижарага берганим тўғрими?