Устозимиз шогирдларига

Ассалому алайкум! Ҳурматли Зикр аҳлидан сўранг фидоийлари. Яқиндагина ўқилинган китоб ва бир танишимиздан эшитган гап мени сизларга бу ҳатни ёзишга ундади. Яқин кунларда мен Ҳасанхон ва Ҳусайнхон Яҳёларнинг "Навоийдан чу топқайлар навое" китобини ўқиб жуда хурсанд бўлдим. Ва рамазон кунларининг бирида бир танишимиз айтиб қолдиларки мана шу инсонлар Қуръони Каримни ҳам маъно таржимларини ёзаётган эканлар. Албатта бу ҳолат бизлар учун қувонарли ҳолат ва сизларнинг барчаларинггизга Аллоҳдан хайрли ишларни тилаб қоламан. Ва ижозат этсанггиз сизга бир илтимос билан мурожаат қилмоқчи эдим. Албатта динимизнинг энг нозик ва энг қизиқарли қисми бу тасаввуфдир. Унинг адабиётга ҳам таъсири бисёр, юқорида номлари айтилган азизларимиз бу мавзуда ҳам ўта илмли эканлар, шу сабаб тасаввуфнинг мумтоз адабиётимиздаги роли ҳақида ҳам бир рисола тасниф қилинса, биз ёш адабиётшунослар учун айни муддао бўларди. Сизларга Аллоҳдан икки дунё саодатини тилаб Акмал.