Ҳидсиз ва овозсиз ел келиши
Ассалому алайкум! Аллоҳ рози бўлсин. http://savollar.islom.uz/savol-39000/ қуйида Ҳидсиз ва овозсиз ел келиши таҳоратни синдиради деб жавоб берибсиз, лекин Шайх Ҳазратлари бундай ҳолатда таҳорат бузилмайди деганлар, http://savollar.islom.uz/savol-29122/ Илтимос шу масалага аниқлик киритиб берсангизлар, чунки аввалроқ, агар берилган саволга Ҳазрат жавоб берган бўлсалар, ўша жавоб фойдаланилади дегандингизлар. Олдиндан раҳмат!
Ва алайкум ассалом! Фиқҳда “аниқ нарса шакк билан кетмайди” деган қоида бор. Шайх Ҳазратларига таҳоратли инсон таҳорати кетган ёки кетмаганида шакк қилганлиги ҳақида савол берилган. Юқоридаги қоидага биноан аниқ нарса шакк билан кетмайди. Кейинги берилган саволда эса, “ҳидсиз ва овозсиз ел келса” дейилмоқда. Бунда ел чиққанлиги шакк эмас, балки аниқ. Шунинг учун таҳорат синади деб жавоб берилган. Аёлларнинг олдидан келадиган ел ҳақида фуқаҳоларимиз “у таҳоратни синдирмайди. Чунки у ташқаридан кирган ҳаводир. Таҳоратни синдирувчи ел эса ошқозонга учраб кейин чиққан елдир” деганлар. Баъзида семиз одамларда орқа бир оз ҳаракатга келганга ўхшайди. Лекин бу ҳам ошқозондан келган ҳаво бўлмайди. Буни араб тилида “Ихтилож” дейилади. Бу билан ҳам таҳорат синмайди. Валлоҳу аълам.
