Мен тўғри фатво бердимми?
Ассаламу алайкум! Ҳайът аъзолари мен бир қирғиз акамиз билан бирга ишлайман. У киши мендан “оламдан ўтиб кетган отамнинг ўрнига қолиб кетган рўзаларини тутиб берсам бўладими” деди. Мен “Ҳа. Лекин келаётган Рамазон ойи рўзасини ўзингиз учун тутасиз, рўза ойи чиққанидан кейин отангиз ўрнига тутиб берасиз. Фақат жума кунлари тутманг, чунки у кунлари ҳаром бўлади” дедим. Мен тўғри фатво бера олдимми? Ҳар кун шу ҳақида ўйлайман. Жавоб учун олдиндан раҳмат.
Ва алайкум ассалом! Динимизда бирор киши ўрнига рўза тутиб бериш ёки қолган намозини ўқиш йўқ. Сиз айтгандек отаси оламдан ўтган бўлса ояти каримага биноан, тутолмаган кунлари рўзаларининг эвазига фидя беради. Фидянинг миқдори бир мискинни бир кунлик қорнини тўйдириш. Уламолар уни ярим соъ буғдой билан белгилашган. Ярим соъ буғдой икки килога яқин бўлади. Валлоҳу аълам.
