Янги целофан(полиэтилен) пакетни пуфлаб орасини очиш

Ассалому алайкум! Бугун бозорда қуруқ мева харид қилганимда, сотувчи йигит целофан пакетни ичини очиш учун унинг ичига оғзидан пуфлади. Яъни, шундай қилганда янги пакет ичи ҳавога тўлиб очилади ва унинг ичига маҳсулот солиш осонлашади. Мен сотувчига ундай қилмаслигини илтимос қилиб, қайтадан бошқа пакетга солдирдим. Бу ҳолатни худди овқат ёки чойни пуфлаб ейиш ва ичиш макруҳ бўлган каби деб тушундим. Аммо сотувчи йигит буни иримга йўйиб, мени бидъат амал қилганликда айблади. Менинг фикрим тўғрими? Шу масалага ойдинлик киритиб беришингизни илтимос қиламан. Аллоҳ амалларингизнинг файзини ва ривожини берсин!